Esta volve a ser unha desas semanas especiais, pois o xoves temos a un dos nosos pequechos de cumple. Este ano, igual que lle pasou antes a outros compañeiros, non podemos celebralo de xeito tradicional, comendo tarta na clase e pasando un moi bo momento festexando con el. Pero podemos estar xuntos na distancia, acordándonos del e trasmitíndolle os nosos mellores desexos mediante un fantástico debuxo. En canto teñades o debuxo feito polos vosos cativos, podedes quitarlle unha foto co móbil e enviarma ao correo. O máis visual para a montaxe do video é que teñan o nome e a felicitación no propio debuxo. Logo, todos xuntos, fareillos chegar ao protagonista. MOITOS PARABÉNS PEQUECHO!! Preme na imaxe e poderás escoitar a túa canción.
Comentarios