DEBUXO DE SOMBRAS

Unha tarefa fácil e divertida a realizar cos máis pequen@s da casa nestes días, pode ser o debuxo con sombras. Para elo só precisamos sol, animais ou xoguetes diversos, papel, lapis/xiz e cores.

Os máis peques poderan montar a súa particular paisaxe de sombras cos seus animais/xoguetes favoritos.

Poderemos prolongar a actividade completando os debuxos, coloreando a paisaxe... Incluso poderán converter cada sombra nunha marioneta (recortándoa e engadíndolle unha palliña) coa que representar, posteriormente, un teatro de sombras.

Mediante esta actividade conseguimos que os nenos e nenas traballen o trazo, a coordinación da motricidade fina e a concentración.